Gipuzkoa irudikatuz

Oporretara abiatu aurretik, 2030ean Gipuzkoako lurraldearentzat ikuspegi partekatu bat lortzeko Gi2030 prozesuari buruzko hainbat berri zirraragarri partekatu nahi dugu zurekin.

Gi2020ko talde motorraren ahalegin bateratuari esker, Delphi metodoa erabiliz adituak diren pertsonek eta herritarrek aurrez aurreko tailerretan egindako ahaleginari esker, aurrerapen esanguratsuak lortu ditugu. Aurreko fasean bildutako 116 galderak Lehenetsi eta multzokatu egin ditugu 10 gako-galderatan. Galdera horiek izango dira 2030erako irudikatzen dugun Gipuzkoari buruzko elkarrizketen muina.

Irailaren 1etik aurrera, oporretatik itzultzean, fase berri eta garrantzitsu bati ekingo diogu. Etapa honetan, funtsezko 10 galderei erantzuteko proposamenak bilduko ditugu. Horretarako, tailer presentzialak egingo ditugu hainbat arlotako eragileen parte-hartzearekin, hala nola ekintza komunitarioa, ekonomia, ingurumena, administrazio publikoa, ikerketa eta gizarte-mugimenduak. Zure ekarpena funtsezkoa da, eta aurrrerago modu egokian gonbidatuko zaitugu zure ideiekin eta iritziekin lagundu ahal izan dezazun. Gainera, interesgarrienak iruditzen zaizkizun proposamenak bozkatzeko aukera ere izango duzu.

Gainera, oso pozik gaude irailaren 8an udako doako ikastaro bat antolatu dugula jakinarazi ahal izateagatik, jardunaldi horren izenbuara "Etorkizuneko Gipuzkoaren ikuspegi partekatua eraikiz" da. Jardunaldian itzal handiko adituak izango ditugu, eraikuntza kolektiboko prozesu hau aberasteko osagai inspiratzaileak eskainiko dizkigutenak.

Azkenik, baliabideen atalean, Lankidetzazko gobernantzari buruzko gai garrantzitsuak jorratzen dituzten bideo-pieza labur batzuk sartu ditugu, eta zure interesekoak izan daitezkeela uste dugu.

Ilusioz beterik gaude 2030. urteko Gipuzkoarako bide zirraragarri honetan zure parte-hartze eta ekarpen baliotsuarekin, elkarrekin imajinatzen ari baikara.

Udako ikastaroan ikusiko zaitugu! Gozatu oporrak eta laster elkartuko gara berriro.