Gipuzkoa irudikatuz

(1/3) Román-ek ongi dioen eran, auzi garrantzitsu baten aurrean gaude. CO2 emisioek parisko akordioan ezarritako mugak gainditzen badituzte, ezin dugu pentsatu ere egin gainean izango dugun egoera ze neurritara heldu daitekeen. Hala ere, egin dezakegunaz hausnartzen duenean nabaria da analisia oso azalekoa dela eta aurkezten duen proposamenak ezer gutxi konpondu dezakeela.

Lehen Agenda21-ek eta orain Agenda2030-ak, erantzukizuna idibidualizatzen dute, fokua biztanleetan jarriz. Ondo jakin arren klima-aldaketa eta berotze globala ezin direla kapitalismorik gabe ulertu, sistemaren instituzioek karga haien gainetik kentzen dute. Berziklatu behar da, noski, baina ezingo dugu inoiz kontsumoan aldaketa eraginkorrik eragin, adibidez, elikagai oinarrizkoenak eta erosgarienak gero eta plastiko gehiago badute. Are, hainbat neurri antiproletario ere ikus daitezke bideoan, zuzenean langileen biziraupena kolokan jartzen duten berogailuen murrizketekin adibidez.