Gipuzkoa irudikatuz

(2/3) Berogailuen erabilera gehiago murrizteak jende askoren heriotza eragin dezake (azken neguetan ikusi den eran), langileriaren bizi-baldintzak erabat okertuz. Berdin garraio publikoarekin, esaten duena ederra den arren, lanaren deslokalizazioak langile asko etxetik urrun lan egitera daramatza, autoa haien egunerokorako beharrezko elementu bilakatuz (arazoa konpontzeko garraio publikoaren kalitatezo funtzionamendua bermatu beharrean peajeak jarriz).

Enpresariak eta, finean, burgesia eta bere aparatu guztiak dira klima-aldaketaren existentzia bermatzen dutenak. Gainprodukzioa bera, kapitalismoaren oinarrietatik eratorria den heinean, ezin da gainditu kapitalismoa bera gainditu gabe. Era horretan, fokua kapitalismoaren funtzionamenduan jarri behar da egoera hau gelditzeko. Enpresei, limosna baino merkeago egiten zaizkien isunak ez dira gai egoerari aurre egiteko, partxe polit bat baino ez dira. Eta zer esan trantsizioaren izenean gauzatzen den naturaren suntsipenaren inguruan.