Gipuzkoa irudikatuz

Kaixo Paula eta Aiora, zuekin bat nator. Kontua da teoriatik praktikara arrakala izugarria dagoela; Paulak ondo adierazi duen bezala. Baina nola egin genezake hiritarrok bizikidetza osasuntsu bat edukitzeko? Argi dago ez dela lan indibiduala soilik, gobernuak ere bere alea jarri beharko luke. Horrek hainbat gaitasun ere sustatu beharko lituzke gu, pertsona gisa, hobetu ahal izateko, eta, hain zuzen ere, testuinguru honetan garrantzitsua iruditzen zaidan gaitasuna honako hau da: aisialdia.

Zergatik? Aisialdiak hausnarketarako, ongizaterako eta askatasunerako eremua sustatzen eta bermatzen dituelako. Alde batetik, lehenengoak gure egunerokotasunean ditugun erlazioak aztertzeko eta pentsatzeko balio duelako. Bestetik, bigarrenak disfrutatzeko eta lasaitzeko aukera ziurtatzen digulako. Azkenik, hirugarrenak gure bizitza gure modura antolatzeko gaitasuna bermatzen duelako. Ondorioz, aisialdirako denbora duen pertsona batek Aiorak definitu duen pertsonan bihurtu daiteke.