⚙️ Nola funtzionatzen du Gi2030-ek?

Gi2030ek unibertsitatea, erakunde publikoak, tokiko agenteak eta Gipuzkoako herritar guztiak deitzen ditu, 2023an zehar egingo diren espazio digital eta presentzialetan parte har dezaten.

Parte hartzeko bi modalitate proposatzen dira:

1. Tailer presentzialetan hiru talde edo eremutako pertsonek hartzen dute parte:

• Unibertsitateko langileak (unibertsitatea).
• Agente politikoak eta sozialak (tokiko erakundeak).
• Udalerriko pertsona ez adituak, parte hartu nahi dutenak (herritarrak).

Eragileen arteko oreka bilatzen da, proportzioak antzekoak izaten saiatuz. Modu horretan, ohiko tailer baten unibertsitateko langileen herenak, tokiko agenteen herenak eta herritar interesatuen herenak hartzen dute parte. Herritarren herenaren barruan, elkarte-ehunak ordezkaritza izaten ahaleginduko dira, udalerriko edo eskualdeko kolektibo ezberdinetako pertsonek parte har dezaten.

2.Plataforma digitalari esker, tailer batean izenik eman ez duten pertsonek parte har dezakete, galderak eginez, jada egindako galderei erantzunez edo arlo zehatz batean adostasun-proposamenak eginez.

Izen-ematea plataforma digital honen bidez egiten da, eta horren helburua da unibertsitatearen, erakundeen eta herritarren artean Gipuzkoako etorkizuneko eszenatokiei buruzko galderak, erantzunak eta proposamenak lantzeko espazioa batera sortzea.