Gipuzkoa irudikatuz

Gi2030en asmoa Euskal Herriko Unibertsitatearen, erakundeen eta Gipuzkoako herritarren artean lurraldearen 2030erako erronken ikuspegi partekatua sortzea da. Proposamena prozesu hibrido bat abian jartzea da, aurrez aurreko espazioetako interakzioan eta 5 esparruren inguruan (pertsonak, zientzia, ekonomia, ongizatea eta klima) adostasun-puntuak biltzeko plataforma digital batean oinarritua.

Gi2030 abiatu da. 2023an zehar, 5 faseko ibilbide bat zeharkatuko dugu, Ikuspegi Partekatua dokumentua egiteko balio izango duena. Dokumentu horrek gidoi baten forma hatuko du, eta prozesuan zehar sortzen diren galderen, erantzunen eta proposamenen trazabilitatea bermatuko du.

Jarraian, 2030. urteko Gipuzkoa irudikatzen lagunduko digun proiektu berritzaile honetan egingo dugun ibilbidea zehaztuko dugu:

Plataforma elkarrekin abiaraziko dugu

Fase honetan, jada atzean utzi duguna, tokiko eragileekin akordioak lortu dira Gi2030 tailerrak deitu eta errazteko edo lehendik dauden taldeei laguntzeko. Une horretan, tailerren behin-behineko egutegia argitaratzen da, prospekzio-agertokiak egiteaz arduratzen da, eta plataforma digitala erabiltzen hasten da prozesu osoaren topagune eta biltzaile gisa.

Galdetzen dugu

Otsailean tailer presentzialak hasi ziren Gi2030ko 5 gai nagusietako bakoitzerako galdera egokiak aztertzeko. Tailer bakoitza amaitu ondoren, galderen uzta plataforman argitaratuko da, Gi2030en parte hartzen duten beste pertsona batzuek irakurri, komentatu eta/edo lagundu ahal izan ditzaten (interakzio digitala). Tailer berri bakoitzean plataforman galderak sartzen jarraituko da, eta plataforman parte hartzen duten pertsonek haiekin elkarreragin ahal izango dute, iruzkinen edo sustenguen bidez.

Plataforman erregistratuta dauden pertsonek jakinarazpen bat jasoko dute, posta elektronikoz, galderak argitaratzen direnean edo horiekin interakzioren bat gertatzen denean.

Erantzuten dugu

Fase honetan, tailer presentzialak aktibatuko ditugu, aurreko fasean jasotako galderei erantzunak emateko; erantzunak prestatzeko, galderekin Gi2030.eus plataforman izandako elkarreraginetik datorren informazioa ere kontuan hartuko da.

Tailer berri horietan, plataforman ere argitaratuko dira erantzunak; galdera guztiek erantzuna izan beharko dute, prozesuaren trazabilitatea bermatuz. Erantzun horiek irekita egongo dira iruzkinetara eta/edo laguntzetara (interakzio digitala).

Plataforman erregistratutako pertsonek jakinarazpen bat jasoko dute, posta elektronikoz, erantzunak argitaratzen direnean edo horiekin interakzioren bat gertatzen denean.

Proposatzen dugu

Fase honetan, Gi2030en talde mororrak galderen erantzunak proposamenetan eraldatzen ditu, "Partekatutako ikuspegia" dokumentuan (prozesuaren emaitza izango dena) jasoko diren 5 gaikako ataletako bakoitzerako. Proposamen horiek plataforman argitaratuko dira, parte-hartzaileek haiekin elkarreragin ahal izan dezaten.

Plataforman erregistratutako pertsonek jakinarazpen bat jasoko dute, posta elektroniko bidez, proposamenak argitaratzen direnean edo proposamen horiekin interakzioren bat gertatzen denean.

Irailetik aurrera hasiko da proiektua jendaurrean zabaltzen. Fase honetan, Gi2030en talde motorrak erantzunak proposamen bihurtuko ditu, eta oraingo honetan, tailerrik gabe bozkatuko dira, horiek lehenestea ahalbidetzen duten babesen bidez, aldez aurretik parte hartu duten pertsona guztiak inplikatuz. Proposamen horiek, 5 gaietako bakoitzarekin multzokatuta, prozesuaren emaitza den Ikuspegi Partekatua dokumentuko atalen oinarria izango dira.

Emaitza zabaltzen dugu

Prozesuaren azken txanpan, 2023ko abenduan, “Ikuspegi Partekatua” izeneko lehen dokumentuaren idazketa osatuko da. Dokumentu horrek gidoi baten forma izango du, eta haren elementuak plataforman egindako proposamenetara bideratuko dira. Gidoiak gai bakoitzerako proposamenak jasoko ditu, eta plataforman argitaratutako proposamen bakoitzarekiko elkarreraginetik datorren informazioa gehituko da, azken dokumentua idazteko.

Prozesuak plataforman aurreko faseetan jasotako eta landutako galderen, erantzunen eta proposamenen trazabilitatea bermatzen du.

Ibilbide-orriarekin batera, Gi2030eko parte-hartzaileek plataforman argitaratutako eduki guztien (tailerrak, galderak, erantzunak eta proposamenak) jarraipena egin ahal izango dute. Beren interesekoak diren edukien iruzkin, sustengu edo jarraipen gisa ere jardun ahal izango dute.

Gi2030en parte hartzera eta etorkizuneko Gipuzkoa irudikatzen lagunduko diguten galderak proposatzera animatuko zara?